આપણા દેશની અંદર હનુમાન દાદાના ઘણા બધા મંદિરો આવેલા છે. હનુમાન દાદાના કેટલાક મંદિરો એવા પણ છે જ્યાં આજે પણ તેમાં સતના પરચાઓ મળે છે. એવું જ એક હનુમાન દાદાનું મંદિર છે જે 400 વર્ષ જૂનું છે અને અહીંયા હનુમાનદાદા ધરતી ચીરીને સ્વયંભૂ રીતે પ્રગટ થયા હતા.
હનુમાન દાદાનું આ ચમત્કારિક મંદિર છત્તીસગઢના બાલોદ જિલ્લાના કમરૌદ ગામની અંદર આવેલું છે. જ્યાં 400 વર્ષ જૂની વિશાળ પ્રતિમા છે. દર વર્ષે આ પ્રતિમાનો આકાર અને ઊંચાઈ વધવાનો દાવો મંદિર સમેત ભક્તો કરી રહ્યા છે.
ધરતી ચીરીને અહીંયા હનુમાન દાદા બહાર નીકળ્યા હોવાના કારણે તેમને ભૂફોડ બજરંગબલીના નામથી ઓળખવામાં આવે છે. આ મંદિરની પ્રસિદ્ધિ જોતા મંદિર સમિતિ અને ભક્તો તેને પ્રવાસન સ્થળ બનાવવાની માંગણી પણ કરી રહ્યા છે.
આ મંદિરની ખાસિયત એ છે કે આ મંદિરમાં જે પણ કોઈ સાચા મનથી પ્રાર્થના કરે છે અને માનતા રાખે છે, તેની દરેક મનોકામના પૂર્ણ થાય છે. જેના કારણે લોકોની આસ્થામાં પણ વધારો થઇ રહ્યો છે. આ મંદિરને ભવ્ય રૂપ આપવામાં માટે દાતાઓ અને સહયોગીઓ દ્વારા નિર્માણ કાર્ય કરવામાં આવી રહ્યું છે.
આ ઐતિહાસિક મંદિરને લઈને ઘણા દાવા પણ કરવામાં આવ્યા છે. લોકોનો દાવો છે કે આ મંદિર 400 વર્ષ જૂનું છે. મંદિરની વાસ્તવિક સ્થિતિ કઈ સદીની છે તે હજુ સુધી જાણી શકાયું નથી. આ મંદિર પ્રત્યે લોકોની આસ્થા દિવસે દિવસે વધતી રહે છે.
આ મંદિરમાં દરેક મહાશિવરાત્રી ઉપર મેળો ભરાય છે. બે વર્ષથી કોરોનાના કારણે અહીંયા કોઈ આયોજન કરવામાં નથી આવ્યું. જોકે દાન દાતાઓના સહયોગથી અહીંયા ભવ્ય શિવલિંગ અને ગાર્ડનનું નિર્માણ કરવામાં આવ્યું છે. આ વર્ષે કોરોનાના કારણે મંદિરમાં પ્રવેશ બંધ કરવામાં આવ્યો છે. પરંતુ કોરોના કાળ પહેલા મંદિરમાં ભક્તોની ભીડ જોવા મળતી હતી.