કહાની એ છોકરાની જેના ચહેરા પર છે લાંબા-લાંબા વાળ, હનુમાન માની પૂજા કરે છે લોકો
17 વર્ષનો લલિત પાટીદાર એક ખૂબ જ દુર્લભ બીમારીથી પીડિત છે. આ કારણે તેના ચહેરા પર મોટા મોટા વાળ ઉગી જાય છે. મધ્ય પ્રદેશના રતલામના રહેવાસી લલિતને વરવોલ્ફ સિંડ્રોમ છે. આ એ બીમારી છે જેમાં શરીર પર વાળ ઉગી જાય છે અને એવામાં ચહેરો વરુ જેવો લાગે છે. મધ્યપ્રદેશના નાના ગામ નાંદલેટાનો આ વિદ્યાર્થી એ 50 લોકોમાંનો એક છે જેમને મધ્ય યુગ બાદથી આ રોગ હોવાનું નિદાન થયું છે. બ્રિટિશ અખબાર ડેઈલી સ્ટાર સાથે વાત કરતા લલિતે કહ્યું, ‘હું એક સામાન્ય પરિવારમાંથી આવું છું,
મારા પિતા ખેડૂત છે અને હું હાલમાં 12મા ધોરણમાં અભ્યાસ કરું છું. હું મારા પિતાને તેમના ખેતીના કામમાં મદદ કરું છું.’ તેણે કહે છે કે નાના બાળકો તેને જોઈને ડરી જતા હતા અને તે બાળપણમાં આ સમજી શક્યો નહિ. પરંતુ જેમ જેમ તે મોટો થઇ રહ્યો છે, ત્યારે તેને સમજાયું કે તેની હાલત પણ બધાની જેમ નથી. બાળકો ચિંતિત હતા કે હું તેમને પ્રાણીઓની જેમ કરડવા માટે આવીશ,” હાઈપરટ્રિકોસિસ એ શરીર પર વાળની વૃદ્ધિની અસામાન્ય માત્રા છે. હાઈપરટ્રિકોસિસના બે અલગ-અલગ પ્રકારો સામાન્યકૃત હાયપરટ્રિકોસિસ છે,
જે આખા શરીરમાં થાય છે, અને સ્થાનિક હાઈપરટ્રિકોસિસ, જે ચોક્કસ વિસ્તાર સુધી સીમિત છે. 19મી અને 20મી સદીની શરૂઆતમાં સર્કસ સાઇડશોના ઘણા કલાકારો, જેમ કે જુલિયા પાસ્ટ્રાનાને હાઈપરટ્રિકોસિસ હોવાનું નિદાન થયું હતું. તે કહે છે કે, મારા પૂરા જીવનમાં આ વાળ રહ્યા છે. મારા માતા-પિતા કહે છે કે ડોક્ટરે મને જન્મ સમયે બચાવ્યો હતો, પંરતુ જ્યારે હું લગભગ છ કે સાત વર્ષનો ન થયો ત્યાં સુધી મને વાસ્તવમાં કંઇ પણ અલગ ન લાગ્યુ. ત્યારે મેં પહેલીવાર મારા આખા શરીર પર વાળ ઉગતા જોયા.
તેણે ઉમેર્યું, ‘મારા શાળાના મિત્રો મને ચીડવતા હતા, તેઓ મને ‘બંદર બંદર’ કહી બૂમો પાડતા હતા. લોકો મને કહે છે કે આ ખૂબ જ ડરામણો છે, અને લોકો મને ભૂત કહીને ચીડવતા હતા. , તેઓ માને છે કે હું કોઈ પૌરાણિક પ્રાણી છું પણ હું આ વસ્તુઓ નથી.’ તેણે કહ્યું, ‘મને ધીમે ધીમે સમજાયું કે મારા આખા શરીર પર વાળ છે અને હું સામાન્ય માણસો કરતાં અલગ છું. મને ઘણી વસ્તુઓ શીખવા મળી, સૌથી અગત્યનું એ કે હું લાખોમાં એક છું, મારે ક્યારેય હાર ન માનવી જોઈએ અને સંપૂર્ણ જીવન જીવવું જોઈએ.’ લલિત 4 બહેનોનો એકમાત્ર ભાઈ છે.
તે ગામની સરકારી શાળામાં ધોરણ 12નો વિદ્યાર્થી છે. એવું કહેવાય છે કે બાળપણમાં લલિતને ગામલોકો બાલ હનુમાન માનીને પૂજતા હતા. તેના ચહેરા પર વાળ હોવાને કારણે લલિતને ખાવામાં ઘણી તકલીફ પડે છે. કારણ કે ખોરાક ખાતી વખતે તેના મોંમાં વાળ આવે છે. હાલમાં તેના રોગ માટે ડોકટરો દ્વારા કોઈ ઈલાજ આપવામાં આવ્યો નથી. પરંતુ વડોદરાના એક ડોક્ટરે 21 વર્ષના થયા બાદ પ્લાસ્ટિક સર્જરી કરવાનું કહ્યું છે. ત્યારે હવે લલિત 21 વર્ષ થવાની રાહ જોઈ રહ્યો છે.
આજ તક સાથે વાત કરતા લલિતે કહ્યું કે તે યુટ્યુબર બનવા માંગે છે. આ માટે તે પ્રયાસ પણ કરી રહ્યો છે. બીજી તરફ લલિતના સંબંધીઓનું કહેવું છે કે લલિતના ચહેરા પર બાળપણથી જ લાંબા વાળ હતા. અમે ઘણા ડોક્ટરોને બતાવ્યું પણ બધાએ કહ્યું કે આ એક અસાધ્ય રોગ છે. હવે તેઓએ બધું ઉપરવાળા પર છોડી દીધું છે. એક ડૉક્ટરે પ્લાસ્ટિક સર્જરી વિશે વાત કરી છે. લલિત 21 વર્ષનો થશે ત્યારે અમે તેની સારવાર કરાવીશું.