બોલીવુડના સેલેબ્સને લઈને ઘણીવાર અફવાઓ ચાલતી રહે છે, ઘણીવાર કોઈના અફેરની ખબરો સામે આવે છે તો ઘણીવાર કોઈના બ્રેકઅપની તો ઘણીવાર કોઈની પ્રેગ્નેન્સીને ખબરો પણ ચર્ચામાં આવતી હોય છે ત્યારે હાલ મલાઈકા અરોરાની પણ પ્રેગ્નેન્સીને લઈને ખબરો વાયરલ થઇ રહી છે.
એક વેબસાઈટે અહેવાલ આપ્યો કે મલાઈકા ગર્ભવતી છે. આ સમાચાર સાંભળીને બધા ચોંકી ગયા. જો કે આ સમાચાર વાયરલ થતા જ અર્જુન કપૂરે તરત જ પ્રતિક્રિયા આપી હતી. તે સમાચારનો સ્ક્રીનશોટ શેર કરીને તેણે વેબસાઈટ પર ક્લાસ લગાવ્યો અને ફરીથી અંગત જીવન પર આવી ટિપ્પણી કરવાનો ઈન્કાર કરી દીધો.
અર્જુને ઇન્સ્ટાગ્રામ સ્ટોરી પર લખ્યું, તમે આનાથી વધુ નીચું શું કરશો અથવા તમે આ કરતા જ રહેશો. આવા કચરાના સમાચારો વિશે ખૂબ જ અસંવેદનશીલ અને અનૈતિક. તેઓ આવા સમાચાર લખતા રહે છે કારણ કે અમે અત્યાર સુધી તેમના ફેક ન્યૂઝને નજરઅંદાજ કરતા હતા. આ બિલકુલ યોગ્ય નથી અને તમે ફરીથી મારા અંગત જીવન સાથે રમવાની હિંમત કરશો નહીં.
જણાવી દઈએ કે મલાઈકા અને અર્જુન બંને પહેલા પોતાના સંબંધો વિશે વધુ વાત કરવાનું પસંદ કરતા ન હતા. પરંતુ છેલ્લા કેટલાક સમયથી બંનેએ પોતાના સંબંધો વિશે ખુલીને વાત કરવાનું શરૂ કર્યું છે. આ સિવાય દરેક ટ્રોલિંગ પર બંને એકબીજાને પ્રોટેક્ટ પણ કરે છે. પણ આ વખતે અર્જુન પોતાના ગુસ્સા પર કાબુ ના રાખી શક્યો. અગાઉ, જ્યારે અભિનેત્રી મલાઈકાની ઉંમર અને એક બાળકની માતા હોવાને કારણે ટ્રોલ થઈ હતી, ત્યારે પણ અર્જુન તેના સમર્થનમાં આવ્યો હતો.
જણાવી દઈએ કે મલાઈકાનો નવો શો મુવિંગ વિથ મલાઈકા આવી રહ્યો છે. મલાઈકાનો આ પહેલો શો છે જેના દ્વારા ફેન્સને તેના અંગત જીવન વિશે જાણવા મળશે. આ શોમાં મલાઈકા દરરોજ તેના વિશે માહિતી આપશે. આ સાથે તે તેના દરેક સંબંધ વિશે પણ બતાવશે. શોમાં ફેન્સ મલાઈકાના પરિવાર અને નજીકના મિત્રોને પણ જોશે. ચાહકોને આશા છે કે આ શો દ્વારા તેઓને મલાઈકા અને અર્જુનના સંબંધો વિશે પણ થોડી વિગતો જાણવા મળશે.
