બોલિવૂડ એક્ટર અક્ષય કુમાર કે જે બધાને હસાવતા રહે છે તે એટલા માટે દુઃખી છે કારણ કે તેમની સાથે છેલ્લા 15 વર્ષથી કામ કરતા હેરડ્રેસરનું અવસાન થયું છે. અભિનેતાએ તેના હેરડ્રેસર મિલન જાધવના નામે એક ભાવનાત્મક પોસ્ટ લખી છે. અક્ષય કુમારે ઈન્સ્ટા પર હેરડ્રેસર સાથેનો પોતાનો ફોટો શેર કર્યો છે. તસવીરમાં મિલન અભિનેતાના વાળને સ્ટાઇલ કરતો જોવા મળે છે. પોસ્ટમાં અક્ષય કુમારે લખ્યું – તમે તમારી ફંકી હેરસ્ટાઇલ, સ્મિતના કારણે ભીડમાં અલગ દેખાતા હતા.
હંમેશા એ વાતનું ધ્યાન રાખતા કે મારો એક વાળ પણ બહાર ના રહે. મિલન જાધવ 15 વર્ષથી વધુ સમયથી મારા હેરડ્રેસર છે… હજુ પણ વિશ્વાસ નથી થતો કે તમે અમારી સાથે નથી. હું તમને ખૂબ યાદ કરીશ મિલાનો. ઓમ શાંતિ. આ પોસ્ટ સાથે ખિલાડી કુમારે પણ દિલ તોડવાવાળુ ઈમોજી બનાવ્યું હતું. અક્ષય કુમારની પોસ્ટ પર ફેન્સ અને સેલેબ્સની પ્રતિક્રિયાઓ આવી રહી છે.જણાવી દઇએ કે, અક્ષય કુમાર સિવાય તે અન્ય ઘણી સેલિબ્રિટીઓના હેરસ્ટાઈલિસ્ટ પણ હતા.
કરીના કપૂર અને કિયારા અડવાણી સાથેની તેની તસવીરો પણ સોશિયલ મીડિયા પર જોવા મળી છે. મિલાનો અક્ષય કુમાર સાથે 15 વર્ષથી કામ કરી રહ્યો હતો. અક્ષય કુમારની સાથે મિલાનોનું કામ અન્ય ઘણા સ્ટાર્સને પણ પસંદ આવ્યું હતું. મિલાનોના મોતનું કારણ હજુ સુધી સામે આવ્યું નથી, પરંતુ અક્ષય કુમાર તેના જવાથી ખૂબ જ દુઃખી છે. એક્ટરના વર્કફ્રન્ટની વાત કરીએ તો આ વર્ષ અક્ષય કુમાર માટે સારું રહ્યું નથી.
તેની બેક ટુ બેક 3 ફિલ્મો બોક્સઓફિસ પર નિષ્ફળ રહી છે. જેમાં બચ્ચન પાંડે, સમ્રાટ પૃથ્વીરાજ અને રક્ષાબંધનનો સમાવેશ થાય છે. ત્રણ ફ્લોપનો સામનો કર્યા બાદ અક્ષય કુમારની ચોથી ફિલ્મ OTT પ્લેટફોર્મ પર રિલીઝ થઈ છે. કટપૂતળીમાં અક્ષય કુમાર સાથે રકુલ પ્રીત સિંહ અને સરગુન મહેતા જોવા મળ્યા હતા. લોકોને આ ક્રાઈમ ડ્રામા ખૂબ પસંદ આવ્યો. વિવેચકો અને લોકોએ ફિલ્મ અને અક્ષય કુમારના કામની પ્રશંસા કરી.
દિવાળીના એક દિવસ પછી 25 ઓક્ટોબરે સિનેમાઘરોમાં બે મોટી ફિલ્મો રિલીઝ થઈ હતી. અક્ષય કુમાર સ્ટારર ‘રામ સેતુ’ અને અજય દેવગનની ‘થેંક ગોડ’. બંને ફિલ્મો અપેક્ષા મુજબ દર્શકોને પ્રભાવિત કરી શકી નથી અને બોક્સ ઓફિસ પર તેમની કમાણીમાં સતત ઘટાડો જોવા મળી રહ્યો છે. જો કે ‘રામ સેતુ’નું ઓપનિંગ ડે કલેક્શન સારું રહ્યું હતું,
પરંતુ તે પછી કમાણીનો ગ્રાફ નીચે જઈ રહ્યો છે. ‘રામ સેતુ’ની કમાણીની વાત કરીએ તો ફિલ્મની શરૂઆતથી જ તેનું કલેક્શન સતત ઘટી રહ્યું છે. જો કે સપ્તાહના અંતે તેની કમાણીમાં થોડો સુધારો જોવા મળ્યો છે. આ ફિલ્મે 15.25 કરોડના કલેક્શન સાથે શરૂઆત કરી હતી. આ પછી ‘રામ સેતુ’એ બીજા દિવસે 11.4 કરોડ રૂપિયાની કમાણી કરી હતી. ફિલ્મે ત્રીજા દિવસે 8.75 કરોડ અને ચોથા દિવસે 6.05 કરોડનો બિઝનેસ કર્યો હતો.
શનિવારે પાંચમા દિવસે એટલે કે વીકએન્ડ પર ફિલ્મે કુલ 7.7 કરોડનો બિઝનેસ કર્યો હતો. છઠ્ઠા દિવસે રવિવારના પ્રારંભિક આંકડાઓ અનુસાર, ફિલ્મની કમાણી વધી છે અને ‘રામ સેતુ’એ 8.50 કરોડ રૂપિયાનું કલેક્શન કર્યું છે. આ સાથે અક્ષય કુમારની ‘રામ સેતુ’નું કુલ બોક્સ ઓફિસ કલેક્શન હવે 57.25 કરોડ રૂપિયા થઈ ગયું છે.