Jyotish Shastra

સપનામાં દેવી મા આવવાનો શું સંકેત હોઈ શકે છે ? જાણો તેનાથી ભવિષ્યમાં શું સંકેત મળશે?

દરેક વ્યક્તિને કોઈને કોઈ સ્વપ્ન તો આવતા હોય છે, ઘણીવાર ઘણા સ્વપ્નો આપણને યાદ પણ નથી રહેતા, તો ઘણા સ્વપ્ન યાદ રહી જાય છે. સ્વપ્નશાસ્ત્ર પ્રમાણે રાત્રે આવેલા સપનાઓ જીવનમાં આવનારા બદલાવ વિશેના સંકેતો આપણને આપતા હોય છે.આ વાત તમને સ્વપ્નમાં શું દેખાય છે તેના ઉપર આધાર રાખે છે, કેટલાક સ્વપ્નો જીવનમાં ચેતવણી રૂપે પણ આવતા હોય છે. જે આપણે જાણી લઈએ તો જીવનમાં તકલીફો નથી આવતી. પરંતુ જો તમારા સ્વપ્નમાં દેવી મા આવે છે તો તે શું સંકેત આપે છે? તે લગભગ કોઈને ખબર નહીં હોય.

આજે અમે તમને સપનામાં દેવી મા આવે છે તો તે શું સંકેત આપે છે તેના વિશે જણાવીશું. આ તમારા જીવનમાં અને ભવિષ્યમાં થનારી ઘણી બાબતો બતાવી આપે છે.

જ્યોતિષો કહે છે કે ભાગ્યશાળી લોકોને જ સ્વપ્નમાં દેવી દેવતાઓના દર્શન થતા હોય છે અને જેને દેવી દેવતાઓના સ્વપ્નમાં દર્શન થાય છે તો તેનો અર્થ છે કે તમારા જીવનની અંદર હવે બધું સારું બનવા જઈ રહ્યું છે. જીવનની તકલીફો દૂર થવાની છે.

સપનાની અંદર દેવી પણ વિવિધ રૂપે આવે છે. જો તમારા સપનાની અંદર કોઈ દેવી લાલ કપડાં પહેરીને આવે છે તો તેનો અર્થ એ છે કે તમારા જીવનમાં હવે બધું જ સારું બનવાનું છે. તમારી કિસ્મતના બંધ દરવાજા હવે ખુલવાની તૈયારીમાં છે. તમારા જીવનમાં ખુશીઓ આવવાની છે અને નિરાશાના દિવસો દૂર થાવનો સંકેત આપે છે.

તેવી જ રીતે જ જો તમારા સપનાંની અંદર દેવી મા સિંહ ઉપર સવાર થઈને આવે છે તો તમારી કિસ્મતના સિતારાઓ બદલાઈ રહ્યા છે. તે હવે પ્રગતિ તરફ છે. તમારા જીવનમાં અત્યાર સુધી રહેલા કમનસીબીના દિવસો પણ હવે પુરા થવા જઈ રહ્યા છે અને તમારું નસીબ ચમકવાનું છે તેનો સંકેત આપે છે.

સપનાની અંદર જો કોઈ દેવી સફેદ અથવા તો કાળા કપડામાં જોવા મળે અથવા તો કોઈ દેવી ઉદાસ ચહેરે કે રડતા ચેહરે જોવા મળે તો આ શુભ સંકેત નથી. સપનામાં આ રીતે દેવી મા દેખાવવાથી તમારા જીવનની પડતી શરૂ થાવનો સંકેત મળે છે. જીવન મુશ્કેલીમાં મુકાઈ રહ્યું હોવાના એંધાણ આપે છે.