ભવિષ્યની ઝલક આપે છે પગની આંગળીઓ, પગની આંગળીથી જાણો તમારું ભવિષ્ય

મિત્રો તમે તો જાણો છે કે સામુદ્રિક શાસ્ત્રમાં શરીરના ભાગોથી ભવિષ્ય વિશેની માહિતી પ્રાપ્ત થાય છે. શરીરની સંરચના અને તમારા હાવભાવ તમારા જીવનને દર્શાવે છે. આજે અમે તમારા માટે પગની આંગળીઓ સાથે જોડાયેલી કેટલીક માહિતી લઈને આવ્યા છીએ. જે તમારા ભવિષ્યની સીધી ઝલક બતાવે છે અને ભવિષ્યમાં રૂપિયા-પૈસા, કરિયર, સ્વભાવ વગેરે વિષે માહિતી આપે છે. આ સાંભળવામાં અજીબ લાગશે પણ આ સાચું છે પગની આંગળીની બનાવટથી કોઈ  પણ વિશે જાણી શકાય છે. તો ચાલો જાણીએ વિસ્તાર પૂર્વક.

પગની બધી આંગળીઓ સરખી હોય:

જો કોઈના પગની આંગળી એક સરખી હોય અને પગનો અંગુઠો લાંબો હોય તો આવા લોકોના કલામાં ખુબ જ રસ હોય છે. આવા લોકોને વિરોધી લિંગ પ્રત્યે ખૂબ આકર્ષણ હોય છે અને તેમની વાતો એટલી મીઠી હોય છે કે લોકો તેમનાથી પ્રભાવિત થયા વિના રહી શકતા નથી. સંશોધન ક્ષેત્રમાં આવા લોકો ઘણા આગળ હોય છે. જો પગનો અંગુઠો ઉપરથી ગોળાકાર હોય, તો આવા લોકો પાસે ઘણા પૈસા હોય છે અને તેમનું બેંક બેલેન્સ પણ ખૂબ ઊંચું રહે છે. તેમને 36 થી 42 વર્ષની વય વચ્ચે સફળતા મળે છે.

અંગૂઠા અને આંગળીઓ વચ્ચે વધુ અંતર:

જો કોઈના પગની આંગળીઓ વચ્ચે વધુ અંતર હોય અને અંગૂઠો સાથે ઘણું અંતર હોય, તો આવા લોકો પરિવાર હોવા છતાં એકલતા અનુભવે છે. તેને પોતામાં એકલા રહેવાનું પસંદ છે. સંપૂર્ણ કુટુંબ હોવા છતાં તેઓ એકલતાનું જીવન જીવવાનું પસંદ કરે છે.

અંગૂઠાની બાજુની આંગળી બરાબર હોય:

જો કોઈ વ્યક્તિના અંગૂઠા અને તેની અંગૂઠાની બાજુની આંગળી સમાન હોય, તો આવા લોકો પ્રકૃતિમાં ખૂબ શક્તિશાળી હોય છે અને તે ઘણી વખત તે બધી જગ્યાએ પોતાનું ચલાવે છે.  તેમની અંદર બીજાને સમજાવવાની કળા છે. તેઓ જે નક્કી કરે છે તે પૂર્ણ કરીને જ રહે છે. ઘણી વાર તેમના પોતાની જીદને કારણે તે પોતાને અને અન્યને પણ નુકસાન પહોંચાડે છે.

પગ સ્વચ્છ અને નરમ હોવા જોઈએ:

સ્ત્રીઓ અને પુરુષો બંનેના પગ સ્વચ્છ અને નરમ હોય છે અને લાલાશ હોય છે તે ભાગ્યશાળી હોય છે. તેઓને તેમના જીવનમાં ધન, ગૌરવ અને સન્માન મળે છે. તેઓ 23 થી 28 વર્ષની વયની વચ્ચે ભાગ્યશાળી બને છે અને તેઓ ખૂબ જ નાની ઉંમરે ઘણું પ્રાપ્ત કરે છે.

એડીમાં તિરાડ એ ગરીબીની નિશાની છે:

મહિલાઓ અને પુરુષો કે જેમણે પગ ફાટી ગયા હોય, આવા લોકોનું નસીબ તેમને ટેકોઆપતું નથી અને ગરીબી તેમને પીછો નથી છોડતી. એવું માનવામાં આવે છે કે આવા લોકો ખૂબ જ સંકુચિત વિચારધારા ધરાવતા હોય છે અને હંમેશા જૂની વસ્તુઓમાં વિશ્વાસ રાખે છે. એવું માનવામાં આવે છે કે તેઓ હંમેશાં પોતાને માટે કોઈક દોષ લઈને ફરતા હોય છે .

આવા અંગૂઠા અને આંગળીઓ છે:

જો પગની આંગળીઓ અંગુઠાથી ઉતારતા ક્રમમાં હોય તો આવા લોકો ખૂબ પ્રભાવશાળી માનવામાં આવે છે. જો કે, આવા લોકો બીજાની વાતોમાં ધ્યાન આપતા નથી. તેમની આદતને લીધે, તેમનું ઘરેલુ જીવન ઘણી વખત બરબાદ થઈ જાય છે.