શનિદેવને ન્યાયના દેવતા કહેવામાં આવે છે.શનિદેવ વ્યક્તિને જેટલું કષ્ટ આપે છે એટલા માલામાલ અને સુખી પણ બનાવી દે છે. માત્ર શનિની અશુભ છાયા પડવાથી જ વ્યક્તિના દરેક બનેલા કામ પણ નિષ્ફળ જવા લાગે છે અને તે વ્યક્તિ તકલીફો અને બીમારીઓમાં સપડાવવા લાગે છે.
તો શનિની શુભ છાયા પડવા માત્રથી જ વ્યક્તિના થોડા જ પ્રયાસોમાં તેના કાર્યો સફળ પણ થવા લાગી જાય છે જીવનમાં પણ તેની પ્રગતિ થાય છે. 12 રાશિઓમાંથી 3 રાશિઓ એવી છે જેના ઉપર શનિદેવની કૃપા જીવનભર બનેલી રહે છે. તેના કારણે આ રાશિના જાતકો હંમેશા મહેનત અને સારા કામો કરવા ઉપર જ વિશ્વાસ રાખે છે. જેના કારણે તેમને હંમેશા શનિદેવના આશીર્વાદ પણ મળે છે. ચાલો જાણીએ એ કઈ 3 રાશિઓ છે જેના ઉપર શનિદેવની કૃપા રહેલી હોય છે.
1. તુલા રાશિ:
રાશિચક્રની અંદર તુલા રાશિ સાતમા ક્રમની રાશિ છે. તુલા રાશિ શનિદેવની પ્રિય રાશિઓમાંથી એક છે. આ રાશિનો સ્વામી શુક્રદેવ છે. આ રાશિના જાતકો કર્મઠ અને ઈમાનદાર હોય છે. આ લોકો ખુબ જ પ્રભાવશાળી અને પ્રભાવશાળી વ્યક્તિત્વના સ્વામી હોય છે. આ રાશિ ઉપર શનિ હંમેશા પ્રસન્ન રહે છે. કર્મઠ સ્વભાવના કારણે શનિદેવ આ રાશિ ઉપર વિશેષ કૃપા વરસાવે છે. શનિની કૃપા હોવાના કારણે તેમનું ભાગ્ય હંમેશા તેમનો સાથ આપે છે. તો આ રાશિનો સ્વામી શુક્ર હોવાના કારણે તેમનું જીવન સુખી સંપન્ન અને વિલાસપુર્ણ રીતે વીતે છે. આ રાશિના જાતકોએ શનિદેવની ખાસ પૂજા કરવી જોઈએ.
2. કુંભ રાશિ:
કુંભ રાશિના જાતકો ઉપર પણ શનિદેવની શુભ છાયા હંમેશા રહેતી હોય છે. આ રાશિનો સ્વામી શનિદેવ છે. જેના કારણે પણ આ રાશિ ઉપર હંમેશા શુભ રહે છે. આ રાશિના જાતકોનું વ્યક્તિત્વ ગરીબ અને અસહાયની મદદ કરવાનું હોય છે. જેના કારણે શનિદેવ આ રાશિ ઉપર પ્રસન્ન રહે છે.અને જીવનને હંમેશા કષ્ટ વિહીન બનાવવામાં જાતકોની મદદ કરે છે. આ રાશિના જાતકો ખુબ જ ધનવાન અને માન-સન્માનને પ્રાપ્ત કરવા વાળા હોય છે.
3. મકર રાશિ:
શનિદેવ બે રાશિઓના સ્વામી હોય છે. એક કુંભ રાશિ અને બીજી છે મકર રાશિ. આ રાશિના જાતકો ઉપર પણ શનિદેવની કૃપા વરસે છે. જેના કારણે જીવનમાં દરેક પ્રકારના સુખ પ્રાપ્ત થાય છે. મકર રાશિના જાતકો ખુબ જ ભાગ્યશાળી હોય છે. તેમનું કોઈપણ કાર્ય કોઈપણ પ્રકારના વિઘ્ન વિના પૂર્ણ થાય છે.